අසිරිමත් නත්තල් දිනය අදයි…
සාමයේ කුමාරයාණෝ යන ගෞරවනීය විරුදාවලිය ලැබූ ජේසුස් ක්‍රිස්තු සමිඳාණන්ගේ අසිරිමත් උපත සිදුවූ නත්තල් දිනය (25) අදයි.
ලොව පුරා දස ලක්ෂ සංඛ්‍යාත කිතුණුවෝ පමණක් නොව සාමය මානව දයාව, අනුනට උදව් කිරීම, ප්‍රේමය යනාදී ගුණයහපත්කම් අගයන ලෝකවාසීහු අද මේ අසිරිමත් උපන් දිනය සමරති.
දිළිඳු ගවලෙනක, සීතල උඳුවප් මහේ උපත ලද ජේසුස් ක්‍රිස්තුන් සමිඳාණෝ, අවිදු අඳුරු නිමවා ලෝක සාමය උදාකිරීම සඳහා සිය ජීවිත කාලයම කැප කළ අයුරු සිහිපත් කරමින් ශ්‍රී ලාංකික අපද අද මේ දිනය සැමරුමට එක්වනුයේ එකිනෙකා කෙරෙහි හදවතේ උපන් ගෞරවය, සෙනෙහස, සතුටු සිත් පෙරටුවය.
සාමය, සංහිඳියාව, සහෝදරත්වය ගොඩනැඟීමේ සුබමොහොත සහ කාලීන අවස්ථාව උදාවී ඇතැයි අද රටපුරා සෑම දෙව් මැදුරකම ගැයෙන බැතිගීවල නාදය වනු ඇත.
ලක්වාසි කිතුණු ජනතාවද අද දෙවස්ථනවල ආගමික වැඩසටහන් පවත්වනු ඇත.
උපුටා ගැනීම: අරුණ පුවත්පත
