උපකාරක පන්ති ලබන සඳුදා සිට…
කොවිඩ් -19 වසංගත තත්ත්වය හේතුවෙන් දැනට නවතා දමා ඇති උපකාරක පන්ති එළඹෙන සඳුදා (25) සිට ආරම්භ කිරීමට රජය තීරණය කරයි.
එම උපකාරක පන්ති පැවැත්වීමට අදාළ චක්‍රලේඛය මේ වනවිට නිකුත් කර තිබෙන අතර, ඒ අනුව ජනවාරි මස 25 වැනි දින සිට උපකාරක පන්ති පැවැත්වීමට අවසර දී ඇති බව සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ප්‍රකාශ කළේය. මේ වන විට නිකුත් කර තිබෙන චක්‍රලේඛයට අනුව බස්නාහිර පළාතෙන් පිටත උපකාරක පන්ති පැවැත්වීම සඳහා ජනවාරි මස 25 වැනි දින සිට අවසර ලබාදී තිබෙන බව කී ඒ මහතා, උපකාරක පන්තියකට සහභාගි කරගත හැක්කේ අසුන් ගැනීමට තිබෙන පුටු ප්‍රමාණයෙන් සියයට 50ක් සහ උපරිම සංඛ්‍යාව ළමයින් 100ක් දක්වා පමණක් බව කීවේය.
උපකාරක පන්ති අ.පො.ස සාමාන්‍ය පෙළ සහ අ.පො.ස උසස් පෙළ සහා පමණක් විවෘත කරන ලෙස ඉල්ලා සිටින සෞඛ්‍ය සේවා අධ්‍යක්ෂ ජනරාල්වරයා අනතුරුව රටේ පවතින තත්ත්වයත් මත අනෙකුත් උපකාරක පන්ති විවෘත කළහැකි බවද, උපකාරක පන්ති පවත්වාගෙන යා යුත්තේ කෙසේ ද, පැවැත්විය යුතු කාලය, පන්ති පිරිසුදු කිරීම යන ක්‍රියාවලින්ට අදාළ මාර්ගෝපදේශ නිකුත් කර තිබෙන බවද සඳහන් කළේය.
උපුටා ගැනීම: දිනමිණ
