පෙර පාසල් ළමා දිවා සුරකුම් මධ්‍යස්ථානවලට උපදෙස් මාලාවක්…
පෙර පාසල් සහ ළමා දිවා සුරකුම් මධ්‍යස්ථාන පරිශ්‍රවලට ඇතුළු වීමේ දී අත් සේදීම සඳහා පහසුකම් සපයා තිබීම හා කාර්ය මණ්ඩලවලට ප්‍රමාණවත් ලෙස මුව ආවරණ සපයාදී ම ඇතුළුව උපදෙස් මාලාවක් සෞඛ්‍ය අමාත්‍යාංශය නිකුත් කර තිබේ.
කෙසේ වෙතත් මුව ආවරණ පැළඳීමට දරුවන් දිරිමත් නොකළ යුතු බවත් ශ්වසන අපහසුතා ඇති විමේ අවදානම හේතුවෙන් වයස අවුරුදු දෙකට අඩු දරුවන්ට මුව ආවරණ පැළඳීමෙන් වැළකිය යුතු බවත් මෙහි අවධාරණය කර තිබේ.
සෑම පෙර පාසලක්ම සහ ළමා දිවා සුරැකුම් මධ්‍යස්ථානයක්ම අදාළ උපදෙස් පිළිපදින බවට එකඟතා ප්‍රකාශයක් සකස් කළ යුතු බවත් එහි එක් පිටපතක් අදාළ පළාත් පාළන ආයතනය වෙතද, තවත් පිටපතක් අදාළ සෞඛ්‍ය වෛද්‍ය නිලධාරීවරයා වෙත ද භාර දිය යුතු බව සෞඛ්‍ය අමාත්‍යංශය පවසයි.
මීට සමඟාමීව පෙර පාසල් දරුවන්ගේ මවුපියන් පිළිපැදිය යුතු උපදෙස් සමූහයක් ද සෞඛ්‍ය අමාත්‍යංශය නිකුත් කර තිබේ.
උපුටා ගැනීම: දිනමිණ
