මහාවංසය ලෝක උරුමයක් වෙයි…
පේරාදෙණිය විශ්වවිද්‍යාල පුස්තකාලයේ ඇති මහාවංසය පුස්කොළ පොත යුනෙස්කෝ සංවිධානය මගින් ලෝක උරුමයක් ලෙස නම් කර කිරීමට තීරණය කර තිබේ.
මහාවංසයේ සියලු කොටස් කිසිදු අඩුවකින් තොරව අන්තර්ගතව තිබෙන පුස්කොළ පොත් එකතුව පරීක්ෂා කිරීමට පැමිණි යුනෙස්කෝ සංවිධාන නියෝජිතයන් ඒ පිළිබඳ සෑහීමකට පත්ව එය ලෝක උරුම ලැයිස්තුවට ඇතුළත් කිරීමට පියවර ගන්නා බව දැනුම් දුන්නේ යැයි පේරාදෙණිය විශ්වවිද්‍යාලයේ උපකුලපති මහාචාර්ය උපුල් දිසානායක මහතා පවසයි.
පේරාදෙණිය විශ්වවිද්‍යාලයේ පොත් එකතුවට වසර 100ක් පිරීම නිමිත්තෙන් ඊයේ (23) විශ්වවිද්‍යාල පුස්තකාල ශ්‍රවණාගාරයේදී පැවැති මාධ්‍ය හමුවකදී උපකුලපතිවරයා මේ බව ප්‍රකාශ කළේය.
උපුටා ගැනීම: දිනමිණ
